Gant red an dour

Ar blog-mañ zo bet savet d’an 23 a viz Mae 2006. Skrivet eo e brezhoneg penn-da-benn… Me a garfe kemer perzh e brud ar yezh !

20.6.06

Skeudennoù ar yezh

Deskiñ a ran brezhoneg abaoe daou vloaz hepken. N’eo ket tra-walc’h evit komz flour, siwazh. Sur eo : ne soñjan ket e brezhoneg, o tistreiñ ma mennozhioù eus ar galleg emaon. Da betra e servijo neuze ? Ne dalv ket ar boan da skrivañ ur yezh distroet ! Fellout a rafe din sevel frazennoù en ur yezh wir. Me a gav din, brezhoneg zo ur yezh eus an douar. BrummenPa vezan o soñjal e Breizh pe e Breizhiz en em gasan d’ur vro eus kouerien e Kreiz-Breizh, etre Boulvriag ha Bulad-Pestivien, da lavarout eo etre Bro Gerne ha Bro Dreger. Koadoù teñval, brumenn c’hleb, kleuzioù uhel, chapelioù maen… Setu ma doare da garout Breizh. Du-hont e vez komzet ur yezh druz evel an douar, leun a skeudennoù, fetis evel ar vuhez wirion.
Lenn a ran oberenn Anjela Duval a-benn ma vo boazet ma divskouarn tamm-ha-tamm da sonerezh he yezh.

1 evezhiadenn :

Skrivet gant Blogger cedric...

un evezhiadennig c'hoazh peogwir az poa lavaret din divankañ da skrid:
Soñjal e ub/udb
Soñjal a ran e Breizh
Soñjal a ran ennout
A galon
Cédric

29/6/06 09:16  

Lakait un evezhiadenn nevez

<< Degemer <<