Yaouankiz

(Diwar ur werz gant Li Bai.)

E kreiz al lenn bihan
ez eus un hañvdi eus porselen
gwer ha gwenn.

Evel kein un tiger
e kromm ur pont eus mein-jad
war-zu an hañvdi.

En o c’hoazez er gêr, mignoned
gwisket brav, oc’h evañ hag o varvailhat.
Meur a hini o skrivañ gwerzioù.

O milginoù seiz troñset a-dreñv,
o zogoù gwintet laouen
betek ar chouk.

War c’horre sioul al lenn bihan
e vez gwelet marvailhoù
e melezour an dour.

Heñvel ouzh ul loargresk
e lugern ar pont, bolz war an tu gin.
Mignoned wisket brav oc’h evañ hag o varvailhat.

An holl en o sav war o fenn
en hañvdi eus porselen
gwer ha gwenn.